Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco partiziun da l'Uffizi da cultura è l'Archiv dal stadi dal Grischun responsabel per preservar e per manar vinavant la tradiziun istorica dal chantun. El procura che las archivalias voluminusas ch'èn fin 800 onns veglias, pon vegnir utilisadas per la perscrutaziun istorica e da la publicitad interessada. Ultra da quai stat l'Archiv dal stadi en il servetsch da la segirezza giuridica e cusseglia l'administraziun chantunala en dumondas da la gestiun da documents e dal management d'infurmaziuns.
Per l'Archiv dal stadi dal Grischun tschertgain nus per il 1. d'october 2026 u tenor cunvegna ina persunalitad engaschada, multifara e responsabla per nossa administraziun.
Voss champ d'incumbensas
- Elavurar il preventiv annual en collavuraziun cun l'archivari dal stadi
- Survegliar las directivas dal preventiv, manar il workflow dals crediturs e facturar
- Sustegnair en l'administraziun dals fatgs da persunal
- Sustegnair en l'administraziun da la Surveglianza dals archivs e da las cumissiuns e fundaziuns assegnadas a l'Archiv dal stadi
- Sustegnair generalmain la direcziun ed il team da l'Archiv dal stadi
- Organisar e tgirar occurrenzas, cooperar en la lavur da publicitad
- Sustegnair il team en l'acquisiziun da material, apparats e mobiglias
Quai che nus giavischain da Vus
- Scolaziun commerziala (emprendissadi da commerzi, scola mercantila u maturitad professiunala) cun bunas enconuschientschas dals fatgs da finanzas e da persunal sco er cun experientscha professiunala da plirs onns
- Fitg bunas abilitads organisatoricas, ina moda da lavurar fidada ed independenta, forza da persvader ed abilitad da lavurar en in team
- Utilisaziun rutinada dad MS-Office e da differentas applicaziuns spezialas (administraziun da las fatschentas CMI GEVER, software da finanzas MS-Dynamics, sistem d'infurmaziun d'archiv CMI-AIS)
- Interess per l'istorgia e la cultura dal Grischun, expressiun segira en tudestg e bunas enconuschientschas da pliras linguas chantunalas èn d'avantatg.
Nus ans legrain da Vossa annunzia online e da far Vossa enconuschientscha.