Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi dal servetsch social chantunal garantescha prestaziuns che sustegnan differentas persunas areguard lur integraziun sociala e professiunala, lur existenza economica sco er areguard lur participaziun sociala.
La partiziun Integraziun da persunas cun impediments fa part da l'Uffizi dal servetsch social chantunal ed è cumpetenta per las purschidas da l'integraziun sociala e professiunala da persunas creschidas cun impediments e per l'egualitad da persunas cun impediments en il chantun Grischun.
Integraziun da persunas cun impediments
Per la partiziun Integraziun da persunas cun impediments tschertgain nus per il1. d'avust 2026 u tenor cunvegna in'economa u in econom da manaschi.
Voss champ d'incumbensas
- Elavurar incaricas da prestaziun e calcular las pauschalas da prestaziun
- Controllar las prescripziuns finanzialas, tranter auter en il rom da las revisiuns tar ils furniturs da prestaziuns
- Analisar process e datas sco er elavurar basas da decisiun
- Manar projects en ils secturs da la finanziaziun e da l'informatica
- Manar il post da contact da la Cunvegna interchantunala davart las instituziuns socialas en il sectur B
Quai che nus giavischain da Vus
- Diplom da scola auta en scienzas economicas resp. scolaziun cumparegliabla (Uni/SAS), da preferenza master
- Enconuschientschas fundadas da l'informatica, cunzunt er da la lavur cun bancas da datas
- Experientschas da manar projects simpels
- Moda da lavurar independenta e premurusa
- Flexibilitad e prontezza da cooperar
- Pensar cumplessiv sco er l'abilitad e l'experientscha da liquidar incumbensas en moda interdisciplinara
- En il cas ideal enconuschientschas da las linguas chantunalas
Nus ans legrain da Vossa annunzia online e da far Vossa enconuschientscha.