Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la scola populara ed il sport (USS) tutga tar il Departament d'educaziun, cultura e protecziun da l'ambient dal chantun Grischun.
Per il sectur Pedagogia speziala / integraziun tschertgain nus per il 1. d'avust 2026 u tenor cunvegna ina collavuratura academica u in collavuratur academic. Quest sectur planisescha purschidas da scola per uffants e giuvenils cun basegns spezials e surveglia las scolas spezialas.
Voss champ d'incumbensas
- Elavurar dumondas da scolaziun speziala per scolaras e scolars cun impediments spiertals, corporals e perceptivs u cun plirs impediments
- Elavurar dumondas da mesiras en cas d'in grond basegn da promoziun
- Esser la persuna da contact per posts spezialisads, instituziuns da la scolaziun speziala, autoritads tutelaras e persunas responsablas per l'educaziun entaifer il champ da cumpetenza
- Manar u collavurar a sesidas ed a gruppas da lavur internas ed externas en il champ d'incumbensas
- Elavurar respostas ad intervenziuns parlamentaras
- Cooperar a l'elavuraziun da missivas, directivas e recumandaziuns
- Liquidar pendenzas cumplexas da las fatschentas quotidianas
- Elavurar e realisar clers criteris e cleras prescripziuns per il rapport e per l'inoltraziun da dumondas
- Sviluppar strategias e concepts adequats en il champ d'incumbensas (analisa dal svilup sin plaun chantunal e naziunal)
- Sustegnair la partiziun da finanzas en connex cun la budgetaziun e cun il rendaquint da las instituziuns da la scolaziun speziala
Quai che nus giavischain da Vus
- Diplom da scola auta en il sectur da la pedagogia speziala u scolaziun cumparegliabla
- Bunas enconuschientschas dals fatgs da scola chantunals e/u affinitad per dumondas da la furmaziun
- Fitg bunas enconuschientschas dal tudestg e buna expressiun en scrit
- Sche pussaivel fitg bunas enconuschientschas d'ina ulteriura lingua chantunala
- Abilitad per la lavur concepziunala
- Abilitad da liquidar, entaifer las cumpetenzas attribuidas, er incumbensas cumplexas en moda effizienta e s'orientond a soluziuns
- Fitg bunas cumpetenzas communicativas e socialas
- Abilitad da supportar squitsch
Nus ans legrain da Vossa annunzia online e da far Vossa enconuschientscha.