Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
As stattan il chantun Grischun e temas da l'economia e da l'innovaziun a cor? Essas Vus motivada u motivà d'optimar activamain las cundiziuns generalas da l'economia e la forza innovativa en il chantun? Lura giais Vus perfetgamain a prà cun nus! Rinforzai immediat u tenor cunvegna noss team engaschà sco manadra u manader da project per il svilup da l'economia locala ed innovaziun (80–100 % – plazza limitada fin la fin da l'onn 2028 cun l'opziun d'ina prolungaziun/d'in engaschament fix).
Voss champ d'incumbensas
- Surpigliar ina funcziun centrala per sviluppar vinavant las basas strategicas che permettan da promover la forza innovativa e la cumpetitivitad dal Grischun sco plazza economica
- Manar projects – en collavuraziun cun partenaris interns ed externs –per realisar mesiras concretas che servan ad augmentar la forza innovativa e la cumpetitivitad
- Sviluppar vinavant raits tematicas da cumpetenza (p.ex. Photonics, LifeScience e.u.v.) tenor la strategia chantunala d'innovaziun e tgirar ils contacts respectivs
- Sviluppar vinavant la strategia chantunala da promoziun ed elavurar dumondas da promoziun
Voss profil
- Diplom d'ina universitad resp. d'ina scola auta spezialisada, da preferenza en economia publica resp. economia da manaschi ubain en in rom tecnic da las scienzas natiralas
- Experientscha professiunala en l'economia, la scienza e/u l'administraziun publica cun relaziun a temas d'innovaziun, sche pussaivel cun gronda affinitad per start-ups
- Enconuschientschas fundadas da l'economia da manaschi sco er grond interess per la politica economica e per ils problems da l'economia publica
- Persunalitad motivada cun grond senn da responsabladad ed engaschament
- Moda da lavurar structurada, creativa e fidada
- Demananza amicabla e professiunala
- Fitg buna expressiun en scrit ed a bucca en tudestg ed en englais sco er da preferenza enconuschientschas d'ina ulteriura lingua chantunala
Nus ans legrain da Vossa annunzia online e da far Vossa enconuschientscha.