Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. da zercladur 2026 u tenor cunvegna tschertgain nus ina voluntaria scientifica u in voluntari scientific per il Museum d'art dal Grischun tar l'Uffizi da cultura.
Voss champ d'incumbensas
- Vus gidais a preparar exposiziuns sco er a preschentar ed ad inventarisar la collecziun.
- En il Museum d'art dal Grischun survegnis Vus ina invista pli detagliada da las incumbensas d'in museum.
Quai che nus giavischain da Vus
- Vus avais terminà in studi da scola auta en istorgia d'art ed avais gia rimnà emprimas experientschas praticas en in museum.
- Vus avais bunas enconuschientschas da l'art modern e contemporan ed avais in interess particular per l'art svizzer.
- Vus essas ina persuna che lavura en moda effizienta e structurada, avais bunas enconuschientschas linguisticas (englais e pliras linguas chantunalas èn d'avantatg) sco er il know-how necessari al computer.
- Vus stimais la collavuraziun en il team.
Nus ans legrain da Vossa annunzia online e da far Vossa enconuschientscha.