Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'energia e da traffic è il center da cumpetenza chantunal per dumondas en ils secturs da l'energia e dal traffic public. L'utilisaziun da la forza idraulica e d'autras funtaunas d'energia regenerabla sco er l'utilisaziun persistenta ed effizienta da l'energia tutgan tar ils temas centrals da l'Uffizi d'energia e da traffic. Nus essan responsabels per elavurar l'approvaziun da concessiuns e da projects concernent l'utilisaziun da la forza idraulica.
Per l'Uffizi d'energia e da traffic tschertgain nus per il 1. da fanadur 2026 u tenor cunvegna ina manadra u in manader da project per returns d'implants.
Voss champ d'incumbensas
- Collavurar a la realisaziun da la Strategia chantunala concernent la forza idraulica
- Manar il project per ils divers returns d'implants, d'ina vart sco manader da project, da l'autra vart sco represchentant dal chantun en las cumissiuns per returns d'implants
- Manar ils temas en dumondas da l'utilisaziun e da la gestiun dal portfolio chantunal d'ovras electricas sco er en connex cun stabilir las structuras correspundentas
- Elavurar las basas da decisiun en connex cun returns d'implants resp. per renovaziuns da concessiuns
- Valitar economicamain societads d'ovras electricas
- Cussegliar las vischnancas en dumondas concernent ils returns dals implants, communitgar cun las vischnancas
- Coordinar cun furniturs da servetschs externs e cun partenaris da branscha en dumondas da returns d'implants
- Far il management da datas dals singuls implants electrics (acquistar, evaluar e gestiunar) en vista a returns d'implants
Quai che nus giavischain da Vus
- Diplom d'ina universitad u d'ina scola auta spezialisada en direcziun economia da construcziun u economia d'energia, d'avantatg cun enconuschientschas giuridicas supplementaras
- Experientscha professiunala da plirs onns en il sectur d'energia
- Interess per collavuraziun interdisciplinara, dun da contractar ed inschign en il contact cun autoritads, partenaris da branscha e federaziuns
- Experientscha en connex cun l'elavuraziun independenta da dumondas concepziunalas
- Fitg bunas enconuschientschas dal tudestg a bucca ed en scrit
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.