Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Polizia da traffic presta ina contribuziun centrala per la segirezza sin las vias e per la circulaziun dal traffic senza disturbis. En questa funcziun da cader da responsabladad manais Vus in sectur d'organisaziun multifar cun var80 collavuraturas e collavuraturs ed influenzais activamain l'ulteriur svilup strategic da la Polizia da traffic.
Tenor cunvegna tschertgain nus ina persunalitad flexibla ed engaschada sco scheffa u schef da la Polizia da traffic.
Voss champ d'incumbensas
- Manar il sectur Polizia da traffic sco uffiziera u uffizier da polizia ubain da pichet
- Manar en reguard persunal, professiunal ed organisatoric ils caders subordinads en ils secturs spezials (Center da la polizia stradala Nord, Registratura da traffic, Tecnica da traffic, Administraziun da traffic, Centers da controlla per il traffic pesant ad Unterrealta [Cazas] e Campagnola [San Vittore] e rait da cumpetenza dal traffic)
- Garantir il provediment da polizia da traffic e la prontezza a l'acziun en il territori da responsabladad geograficamain attribuì
- Sustegnair il schef da la Polizia da regiuns e da traffic en il sectur spezial Traffic
- Sustegnair sco persuna spezialisada superiura la Polizia da regiuns da realisar las incumbensas da polizia da traffic
- Tgirar ina stretga collavuraziun cun la Procura publica e cun ulteriuras autoritads chantunalas, interchantunalas e naziunalas sco er cun organisaziuns
- Sviluppar vinavant l'organisaziun en ils secturs structura, process, cumpetenzas e la furmaziun supplementara
Quai che nus giavischain da Vus
- Diplom ideal sco giurista u giurist ubain studi cumparegliabel
- En il cas ideal experientscha sco uffiziera u uffizier da polizia u savida spezialisada cumplessiva da polizia da traffic e da polizia criminala
- Persuna creativa cun in pensar cumplessiv e fermezzas strategicas, concepziunalas e communicativas (communicaziun clera e confurma al stgalim)
- Stil da manar motivant ed orientà al team, demananza segira e capacitad da persvader
- Focus sin aspects directivs strategics ed economics da manaschi
- Abilitads versadas d'organisar, planisar e coordinar
- Abilitads analiticas excellentas e cumpetenzas da schliar problems
- Gronda cumpetenza sociala, flexibilitad e resistenza al stress
- Moda da lavurar structurada, orientada a las finamiras ed effizienta
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.