Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'unic chantun triling da la Svizra è in chantun multifar en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
L'Uffizi per economia e turissem occupa actualmain 20 collavuraturas e collavuraturs. En Vossa funcziun sco assistenta u assistent da la direcziun da l'uffizi sustegnais Vus – sco commembra u commember dal team da secretariat – il manader da l'uffizi sco er las collavuraturas ed ils collavuraturs ad ademplir diversas incumbensas administrativas, organisatoricas e coordinativas. Cun Voss engaschament prestais Vus ina contribuziun impurtanta a favur da process da lavur effizients e senza disturbis entaifer l'uffizi.
Avais Vus ina gronda chapientscha per ils servetschs? Mantegnais Vus la survista er en fasas hecticas? Alura essas Vus la dretga persuna per nus. Rinforzai noss team motivà per il 1. d'avust 2026 u tenor cunvegna sco assistenta u assistent da la direcziun da l'uffizi e sco collavuratura u collavuratur en il secretariat (80–100 %).
Voss champ d'incumbensas
- Sustegnair en moda proactiva il manader da l'uffizi en connex cun las fatschentas operativas da mintga di e tar projects
- Esser il punct da contact tranter posts interns e partenaris externs
- Coordinar termins sco er preparar ed elavurar posteriuramain sesidas
- Scriver ed elavurar la correspundenza ed ils protocols
- Surpigliar la responsabladad e collavurar tar lavurs administrativas dal secretariat
- Substituir il management dals crediturs
- Scolar ed assister emprendistas ed emprendists
- Esser l'emprim post da consultaziun per dumondas dad IT entaifer l'uffizi
Quai che nus giavischain da Vus
- Scolaziun commerziala da basa sco er in'ulteriura qualificaziun en in sectur relevant (p.ex. SSS/SAS cun accent sin assistenza da direcziun, administraziun publica u cumparegliabel)
- Persunalitad iniziativa, abla da supportar squitsch ed orientada a soluziuns e che ha experientscha en ina funcziun d'assistenza en in ambient pretensius e varià
- Expressiun fitg buna en scrit ed a bucca en tudestg sco er enconuschientschas d'ina ulteriura lingua chantunala e da l'englais
- Demananza amiaivla e professiunala
- Moda da lavurar structurada, independenta e fidada
- Dun organisatoric sco er ferma orientaziun als servetschs
- Fitg bunas enconuschientschas en l'applicaziun da Microsoft Office ed affinitad per ir enturn cun differents tools ed applicaziuns
- Grond interess per temas da l'economia publica sco er dals eveniments economics e politics dal chantun Grischun
Nus ans legrain da Vossa annunzia online e da far Vossa enconuschientscha.