Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Uffizi per la natira e l'ambient tschertgain nus per il 1. d'october 2026 u tenor cunvegna ina tecnicista u in tecnicist da mesiraziun per il sectur Emissiuns d'aria. Ti fas part d'in team da tecnica da mesiraziun che sa cumpona da trais spezialistas e spezialists. Il team è responsabel per mesiraziuns en ils secturs aria, aua ed umiditad dal terren.
Tes champ d'incumbensas
- Tia incumbensa principala èn mesiraziuns da las emissiuns da l'aria d'implants da manaschi. Questa activitad cumpiglia la planisaziun, la realisaziun e l'evaluaziun da mesiraziuns sco er la garanzia da lur qualitad.
- Ti tgiras ina part da las staziuns per mesirar immissiuns en l'aria.
- Ti sustegnas las mesiraziuns da la deflussiun en auas currentas.
Quai giavischain nus da tai
- Ti has terminà in emprendissadi sco laboranta u laborant da chemia u ina scolaziun cumparegliabla en tecnica da mesiraziun ed has plirs onns experientscha professiunala.
- Ti sas ir enturn cun instruments da mesiraziun, es en cas d'evaluar e da preschentar resultats da mesiraziun ed es pronta u pront da frequentar furmaziuns supplementaras specificas.
- Ti es gugent en gir en il chantun Grischun, stimas la lavur al liber e ta movas en moda segira en la cuntrada.
- Ina moda da lavurar independenta sco er la collavuraziun en il team ta distingua. Ultra da quai has ti grondas abilitads organisatoricas e communicativas.
- Bunas enconuschientschas da pliras linguas chantunalas èn d'avantatg.
- Permiss da manischar da la categoria B.
Nus ans legrain da Vossa annunzia online e da far Vossa enconuschientscha.