Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
LaScola chantunala grischuna è ina impurtanta instituziun da furmaziun cun ca. 1000 scolaras e scolars da tuttas trais linguas chantunalas. Sco partiziun da l'Uffizi per la furmaziun media-superiura porscha ella furmaziuns da scola media al gimnasi da lunga e da curta durada sco er a las scolas medias spezialisadas, commerzialas e d'informatica.Il secretariat da scola è l'emprim post da consultaziun per las scolaras ed ils scolars e per ils geniturs. El elavura ils process centrals dal manaschi da scola annual e sustegna la direcziun tar las lavurs administrativas sco er tar la realisaziun da differents projects.
Per noss secretariat tschertgain nus per il 1. d'avust 2026 u tenor cunvegna ina secretaria u in secretari da scola.
Voss champ d'incumbensas
- Surpigliar la cunresponsabladad per las lavurs administrativas multifaras dal secretariat da scola
- Dar infurmaziuns al spurtegl ed al telefon
- Liquidar la correspundenza generala
- Tgirar differents secturs da l'administraziun da scola
- Sustegnair il rectorat tar lavurs administrativas
- Far differentas mutaziuns e lavurs da planisaziun en la software da l'administraziun da scola
- Scriver protocols pretensius
- Evaluar ed elavurar statisticas
- Organisar occurrenzas da scola e preparar preschentaziuns
Quai che nus giavischain da Vus
- Emprendissadi terminà sco commerzianta u commerziant AFQ u scolaziun sumeglianta
- Experientscha professiunala da plirs onns
- Fitg bunas enconuschientschas dal tudestg, enconuschientschas d'autras linguas chantunalas èn d'avantatg
- Utilisaziun segira dals programs da Microsoft Office sco er ina moda da lavurar exacta
- Persunalitad fidada ed orientada als servetschs, che lavura gugent en in pitschen team e che tgira in contact agreabel cun las differentas gruppas en mira da la scola (scolaras e scolars, persunas d'instrucziun, collavuraturas e collavuraturs, geniturs).
Nus ans legrain da Vossa annunzia online e da far Vossa enconuschientscha.