Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil occupa actualmain var 230 collavuraturas e collavuraturs en pli che 20 lieus en il chantun Grischun ed è cumpetent per exequir la legislaziun davart las persunas estras e davart ils fatgs d'asil sin plaun chantunal. La sedia principala da noss post da servetsch è a Cuira.
Per rinforzar noss team tschertgain nus per il 1. da zercladur 2026 u tenor cunvegna ina persunalitad engaschada, multifara cun senn da responsabladad, che sustegna la direcziun da l'uffizi en reguard administrativ e surpiglia la viceresponsabladad per il persunal da l'uffizi.
Voss champ d'incumbensas
- Sustegnair administrativamain ed organisatoricamain la direcziun da l'uffizi (en spezial coordinar termins, administrar fatschentas, organisar sesidas e viadis sco er far protocols e manar la correspundenza e.u.v.)
- Preparar preschentaziuns, evaluaziuns e statisticas
- Far retschertgas e liquidar incumbensas d'archivaziun
- Retschaiver ed assister las visitadras ed ils visitaders
- Surpigliar la funcziun da coordinaziun tranter la direcziun da l'uffizi, las direcziuns dals secturs e las collavuraturas ed ils collavuraturs
- Planisar, coordinar e realisar occurrenzas internas ed externas
- Sustegnair ils process da HR, sco recrutaziun, introducziun e svilup dal persunal
- Collavurar en l'administraziun dal persunal (entradas ed extradas, mutaziuns, statisticas da persunal, attestats e.u.v.)
Quai giavischain nus da Vus
- Furmaziun commerziala da basa terminada (AFQ) u scolaziun equivalenta
- Plirs onns experientscha professiunala en ina funcziun sumeglianta, en il cas ideal cun incumbensas da HR u d'assistenza da direcziun
- Furmaziun supplementara u affinitad en ils fatgs da persunal e/u en il management da projects
- Fitg bunas enconuschientschas en l'applicaziun dal computer (Microsoft Office ed applicaziuns spezialisadas)
- Expressiun segira en tudestg a bucca ed en scrit, enconuschientschas d'ulteriuras linguas uffizialas èn d'avantatg
- Persunalitad discreta, structurada ed orientada als servetschs, cun in grond senn da responsabladad e dun organisatoric
Nus ans legrain da Vossa annunzia online e da far Vossa enconuschientscha.