Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil occupa actualmain var 230 collavuraturas e collavuraturs en pli che 20 lieus en il chantun Grischun ed è cumpetent per exequir la legislaziun davart las persunas estras e davart ils fatgs d'asil sin plaun chantunal. La sedia principala da noss post da servetsch è a Cuira.
Per rinforzar noss team en il sectur Finanzas e controlling tschertgain nus per il 1. da zercladur 2026 u tenor cunvegna ina persunalitad engaschada, multifara cun senn da responsabladad, che s'occupa da las diversas fatschentas finanzialas da noss uffizi. En questa funcziun surpigliais Vus differentas incumbensas en la fatschenta quotidiana operativa dal sectur da finanzas da noss post da servetsch e sustegnais la manadra dal ressort Finanzas e controlling en las incumbensas multifaras.
Voss champ d'incumbensas
- Cudeschar e coordinar ils contos da banca
- Far controllas da la cassa
- Cudeschar ils pajaments da debiturs, incl. admoniziuns
- Controllar ils crediturs sco er dar liber pajaments a crediturs
- Lavurar en differents sistems da contabilitad
- Sustegnair la creaziun da quints trimestrials, semestrils ed annuals
- Surpigliar ulteriuras incumbensas dal sectur Finanzas e controlling tenor attribuziuns spezialas
- Collavurar cun tut las partiziuns da l'uffizi sco er cun ulteriurs posts da servetsch da l'administraziun chantunala
Quai che nus giavischain da Vus
- Furmaziun commerziala da basa terminada (AFQ) u scolaziun equivalenta
- Furmaziun supplementara en ils fatgs da finanzas e da contabilitad è d'avantatg
- Experientscha professiunala en ina funcziun sumeglianta
- Bun dun receptiv e pensar cumbinatoric
- Moda da lavurar structurada, proactiva e fidada
- Gronda exactadad, discreziun e ferm senn da responsabladad
- Bunas enconuschientschas d'applicaziun da Microsoft Office e la prontezza da lavurar cun differentas applicaziuns spezialas (p.ex. Tutoris, Abacus)
- Expressiun segira en tudestg a bucca ed en scrit, enconuschientschas d'ulteriuras linguas uffizialas èn d'avantatg
Nus ans legrain da Vossa annunzia online e da far Vossa enconuschientscha.