Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
Il Post da surveglianza per la protecziun da datas ch'è vegnì stgaffì da nov, ha cumenzà sia lavur il 1. da schaner 2026. Actualmain essan nus en il process captivant d'installar il post da servetsch che surveglia ed accumpogna l'applicaziun da las prescripziuns davart la protecziun da datas tras las autoritads tenor la nova Lescha chantunala davart la protecziun da datas. Ils svilups tecnologics svelts ed ils numerus connexs cun dumondas socialas fan, che la protecziun da datas è in champ da lavur interessant e dinamic cun bleras dumondas interdisciplinaras. Il Post da surveglianza per la protecziun da datas è in post independent ch'è attribuì administrativamain a la Chanzlia chantunala.
Per cumplettar noss team tschertgain nus per il 1. d'avust 2026 u tenor cunvegna ina persunalitad engaschada e cumpetenta sco spezialista u spezialist dad IT u da giurisprudenza e sco vicemanadra u vicemanader dal Post da surveglianza per la protecziun da datas.
Voss champ d'incumbensas
- Far examinaziuns da la protecziun da datas e scriver posiziuns davart projects dad IT cun ina gronda ristga per ils dretgs fundamentals da persunas natiralas e giuridicas
- Sustegnair las persunas incumbensadas per la protecziun da datas en connex cun sistems dad IT e process sco er cussegliar ils posts d'administraziun en connex cun l'elavuraziun da soluziuns per minimar las ristgas
- Cussegliar en connex cun las valitaziuns da las consequenzas per la protecziun da datas sco er valitar analisas dal basegn da protecziun e da las ristgas sco er da concepts dad ISDS (concepts da segirezza d'infurmaziuns e da protecziun da datas)
- Analisar architecturas da sistems, circulaziuns da datas e mesiras da protecziun tecnicas areguard las prescripziuns da la protecziun da datas
- Valitar cas da violaziuns da la segirezza da datas ed accumpagnar l'elavuraziun posteriura
- Observar svilups tecnologics (cloud, intelligenza artifiziala, codaziun) e deducir las pretensiuns regulatoricas
Quai che nus giavischain da Vus
- Vus avais terminà ina scolaziun en informatica, segirezza dad IT u informatica economica (stgalim terziar) cun enconuschientschas giuridicas fundadas u in studi da giurisprudenza terminà cun enconuschientschas fundadas da la IT
- Furmaziun supplementara u certificaziun en il sectur da la segirezza d'infurmaziuns e/u da la revisiun dad IT u en la protecziun da datas è d'avantatg
- Enconuschientschas da la segirezza dad IT, da tecnologias da raits, d'architecturas da sistems e da conturns da software / cloud
- Persunalitad iniziativa, fidada, discreta ed integra
- Abilitad da communitgar e da lavurar en in team sco er dun da contractar
- In'ulteriura lingua chantunala è d'avantatg
Nus ans legrain da Vossa annunzia online e da far Vossa enconuschientscha.