Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Procura publicacun sias 71 collavuraturas e collavuraturs è in organ independent da la giurisdicziun penala, e quai tant funcziunalmain sco er materialmain. Ella fa inquisiziuns penalas cunter persunas creschidas e cunter giuvenils en cas da crims, da delicts e da surpassaments, ed ella sto exequir il dretg dal stadi da chastiar. La sedia principala da la Procura publica è a Cuira. Ella dispona d'agenturas a Tavau, Glion, Roveredo, Samedan e Tusaun.
Per la Procura publica tschertgain nus per il 1. d'avust 2026 resp. 1. da november 2026 u tenor cunvegna duas procuraturas publicas u dus procuraturs publics.
Voss champ d'incumbensas
- Manar independentamain inquisiziuns penalas en cas da crims, delicts e surpassaments
- Relaschar mandats penals, decisiuns successivas sco er disposiziuns da sistida
- Represchentar l'accusaziun davant dretgira
- Elavurar dumondas d'assistenza giudiziala naziunalas ed internaziunalas
- Far servetsch da pichet
Quai che nus giavischain da Vus
- Studi da giurisprudenza terminà, sche pussaivel cun in attest da qualificaziun sco advocata u sco advocat sco er experientscha professiunala en il sectur da la persecuziun penala
- Savair decider independentamain e surpigliar responsabladad
- Persunalitad discreta e colleghiala, ch'è abla da lavurar en in team, cun gronda flexibilitad ed abilitad da supportar squitsch e che lavura en moda independenta, fidada e speditiva
- Ina conduita irreproschabla
- Fitg bunas enconuschientschas dal tudestg a bucca ed en scrit
- Bunas enconuschientschas da pliras linguas chantunalas (da preferenza talian) èn d'avantatg
- Utilisaziun segira dals meds d'informatica usitads
- Enconuschientschas d'ulteriuras linguas
Nus ans legrain da Vossa annunzia online e da far Vossa enconuschientscha.