Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco center da cumpetenzas realisescha l'Uffizi da persunal incumbensas strategicas ed operativas da HR per l'entira administraziun chantunala dal Grischun e promova il chantun Grischun sco patrun attractiv e modern.
Ti vuls cumbinar tia experientscha en il sectur da finanzas e da controlling cun tia moda da lavurar structurada per sviluppar vinavant sistematicamain ils process da HR? Alura es ti la dretga persuna per nus! Per rinforzar noss team tschertgain nus per immediat u tenor cunvegna ina controlladra u in controllader HR.
Tes champ d'incumbensas
- Gidar a realisar il process dal preventiv dals salaris e la clusiun dal quint annual per l'entira administraziun chantunala
- Far reportings da HR ed evaluaziuns ad hoc per ils posts da servetsch
- Liquidar il process da prestaziun e da premias spontanas da l'administraziun chantunala
- Sustegnair l'ulteriur svilup dal controlling da HR e dal sistem da controlla intern
- Collavurar en ulteriurs projects
- Elavurar il workflow dals crediturs
- Sustegnair il team da payroll
Quai giavischain nus da tai
- Furmaziun supplementara en ils secturs da finanzas e da contabilitad u scolaziuns cumparegliablas
- Enconuschientschas dal sectur da las assicuranzas socialas u dals fatgs da persunal èn d'avantatg
- Experientscha professiunala da plirs onns en il sectur da finanzas, da contabilitad u en il controlling
- Moda da lavurar independenta, structurada, exacta ed orientada a soluziuns sco er in grond senn da responsabladad
- Affinitad digitala e bunas enconuschientschas dals programs da Microsoft Office sco er dal sistem Abacus ERP
Nus ans legrain da Vossa annunzia online e da far Vossa enconuschientscha.