Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Pervia da la nova orientaziun dal titular actual da la plazza tschertgain nus per il 1. d'avust 2026 u tenor cunvegna ina nova manadra u in nov manader da l'Uffizi da migraziun e da dretg civil.
Il Departament da giustia, segirezza e sanadad cumpiglia otg uffizis, tranter quels l'Uffizi da militar e da protecziun civila dal Grischun. Sco manadra u manader da quest uffizi essas Vus suttamessa u suttamess directamain al schef dal departament ed avais la responsabladad da prender mesiras da protecziun, superar catastrofas sco er da manar e scolar ils stabs directivs. Vus coordinais la planisaziun preventiva da la protecziun da la populaziun, manais ils secturs Protecziun civila edifizis e Protecziun civila acziun/instrucziun ed essas responsabla u responsabel per las incumbensas militaras che vegnan surdadas al chantun. En Voss champ d'incumbensas stais Vus en stretg contact cun uffizis federals, posts da servetsch chantunals, autoritads communalas ed organisaziuns partenarias da la protecziun da la populaziun. Ensemen cun Vossas collavuraturas e Voss collavuraturs procurais Vus per in clima da lavur orientà a soluziuns ed appreziant.
Voss champ d'incumbensas
- Surpigliar la responsabladad organisatorica, spezialisada, finanziala e dal persunal per il post da servetsch cun circa 30 collavuraturas e collavuraturs
- Manar e coordinar il Stab directiv chantunal en cas da catastrofas e da situaziuns d'urgenza en il chantun Grischun
- Garantir che las incumbensas delegadas al chantun da la Lescha militara vegnan realisadas e surpigliar la responsabladad principala per la protecziun civila
- Manar, accumpagnar e realisar projects
- Iniziar e realisar process strategics
- Represchentar ils interess en cumissiuns, en gruppas da lavur ed a maisas radundas
- Tgirar contacts cun uffizis federals, posts da servetsch chantunals, autoritads communalas ed organisaziuns partenarias
Voss profil
- Furmaziun supplementara sin il stgalim terziar ed experientscha per dumagnar situaziuns d'urgenza/management da crisas
- Experientscha professiunala e da direcziun da plirs onns sco er lavur da stab en in'organisaziun da la protecziun da la populaziun e/u en in'organisaziun a glisch blaua
- Enconuschientschas ed experientscha da las structuras politicas ed administrativas sco er dals andaments da proceduras en il chantun
- Bunas enconuschientschas da las relaziuns geograficas, politicas e socialas dal chantun Grischun
- Abilitad excellenta da communitgar, gronda cumpetenza sociala e la qualitad da restar calm en situaziuns hecticas
- In'ulteriura lingua chantunala è d'avantatg
Nus ans legrain da Vossa annunzia online e da far Vossa enconuschientscha.