Spezialista u spezialist da segirezza dad IT

Uffizi d'informatica | 60–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus noss posts da servetsch cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.

È la segirezza dad IT exact tia chaussa? Nus sco Uffizi d'informatica tschertgain perquai per immediat u tenor cunvegna ina spezialista u in spezialist da segirezza dad IT.

Tes champ d'incumbensas

  • Ti cusseglias nossa clientella davart las prescripziuns concernent il basegn da protecziun e la segirezza dad IT
  • Ti sustegnas cun soluziuns adattadas per projects en noss centers da calculaziun sco er en la cloud
  • Ti accumpognas e controlleschas projects areguard la segirezza da las infurmaziuns 
  • Ti contribueschas activamain ideas per sviluppar vinavant prescripziuns, standards e recumandaziuns
  • Ti collavuras stretgamain cun noss team dad IT security governance e cun ils furniturs da servetschs dad IT

Quai giavischain nus da tai

  • Scolaziun u furmaziun supplementara en informatica e plirs onns experientscha en il sectur da segirezza dad IT
  • Enconuschientschas praticas cun concepts davart la segirezza da las infurmaziuns e davart la protecziun da datas (SIPD), cun architecturas e cun soluziuns da segirezza dad IT
  • Buna orientaziun a la clientella, experientscha solida da manar projects, moda da lavurar independenta sco er ina demananza segira
  • Bunas enconuschientschas a bucca ed en scrit dal tudestg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'informatica
Rosenweg 4
7001 Cuira
Has ti dumondas? Alura pos ti gugent t'annunziar tar nus. 

Mario Eugster, manader Gestiun da l'informatica: 081 257 31 64
Seraina Candinas, responsabla per il persunal: 081 257 31 78

Nus acceptain mo annunzias directas – dumondas da biros per l'intermediaziun da plazzas na vegnin nus betg a resguardar.

Termin d'annunzia: 29 d'avrigl 2026

Nus ans legrain da tia annunzia online e d'emprender d'enconuscher tai.

S'annunziar online