Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Inspecturat dal register funsil e register da commerzi maina il Register da commerzi per il chantun Grischun, è l'autoritad chantunala da permissiun per l'acquist da bains immobigliars tras persunas a l'exteriur sco er il dretg funsil puril e surveglia ils uffizis dal register funsil en il chantun Grischun.
Per rinforzar noss team dal Register da commerzi tschertgain nus tenor cunvegna ina referendaria u in referendari.
Voss champ d'incumbensas
- Far elavuraziuns specificas en moda independenta en il sectur spezial dal Register da commerzi
- Liquidar incumbensas administrativas che stattan en connex cun quai
- Dar infurmaziuns en scrit ed al telefon a nossa clientella
- Far servetsch da spurtegl e cussegliar persunalmain la clientella
Quai che nus giavischain da Vus
- Ina scolaziun da basa commerziala u ina scolaziun equivalenta terminada
- Plaschair ed interess per connexs giuridics
- Plaschair e sentiment per ir enturn cun il public
- Ina fitg buna expressiun a bucca ed en scrit en tudestg
- Abilitad da lavurar en in team e flexibilitad
- Utilisaziun segira dals meds d'informatica usitads
- Bunas enconuschientschas dal talian èn giavischadas, na vegnan dentant betg premessas
Nus ans legrain da Vossa annunzia online e da far Vossa enconuschientscha.