Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la natira e l'ambient (UNA) è in post da servetsch dal Departament d'educaziun, cultura e protecziun da l'ambient. Il UNA è cumpetent per l'execuziun chantunala da las Leschas davart la protecziun da las auas, da l'ambient, da la natira e da la patria.
Per il 1. da schaner 2027 u tenor cunvegna tschertgain nus ina chemicista u in chemicist SAS ubain ina inschignera u in inschigner d'ambient SAS.
Voss champ d'incumbensas
- Survegliar il manaschi da las sereneras publicas ed industrialas en il chantun Grischun.
- Vus evaluais las datas da manaschi da las sereneras e controllais, sche las cundiziuns d'inducziun vegnan observadas.
- Vus evaluais ils rapports da controlla davart las analisas cumparegliablas ed elavurais ils rapports annuals per tut las sereneras.
- Vus controllais l'atgna analitica, eruis ils motivs en cas da divergenzas e scolais il persunal dal manaschi en analitica da l'aua persa.
- Vus visitais las sereneras ed As infurmais davart il manaschi.
Quai che nus giavischain da Vus
- Studi terminà sco chemicista u chemicist SAS ubain inschignera u inschigner d'ambient SAS cun enconuschientschas profundas ed experientschas da la tecnica da proceduras e da l'analitica da l'aua persa.
- Prontezza d'absolver la scolaziun dal persunal da serenera da la VSA.
- Vus avais ina demananza segira, avais in bun dun da contractar, lavurais en moda independenta, essas ina persuna communicativa ed essas abla u abel da lavurar en in team. Ina buna expressiun a bucca ed en scrit per tudestg sa chapescha da sez. Enconuschientschas dal talian e dal rumantsch èn d'avantatg.
- Permiss da manischar da la categoria B.
Nus ans legrain da Vossa annunzia online e da far Vossa enconuschientscha.