Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per industria, mastergn e lavur (UCIML) occupa actualmain var 135 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza, e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
Per la partiziun Servetsch giuridic tschertgain nus per il 1. da settember 2026 u tenor cunvegna ina referendaria u in referendari (50–100 %), en il meglier cas cun surpigliar la funcziun d'in ICT poweruser.
Voss champ d'incumbensas
- Far lavurs specificas dal sectur da l'assicuranza da dischoccupaziun
- Relaschar disposiziuns e decisiuns en il sectur da la Lescha davart l'assicuranza cunter la dischoccupaziun
- Manar independentamain la correspundenza en tudestg ed en talian
- Tgirar datas ed administrar documents en ils sistems specifics
- ICT poweruser: Esser l'emprima persuna da contact en cas da problems d'informatica dal UCIML
- Liquidar incumbensas administrativas generalas
Quai che nus giavischain da Vus
- Emprendissadi commerzial terminà u scolaziun equivalenta
- Experientscha professiunala da plirs onns en l'elavuraziun specifica, da preferenza tar in'assicuranza sociala
- Fitg bunas enconuschientschas a bucca ed en scrit dal talian
- Fitg bunas enconuschientschas a bucca ed en scrit dal tudestg
- Fitg bunas enconuschientschas dals programs usitads dad Office sco er abilitads segiras en l'utilisaziun dal computer
- Demananza amiaivla e professiunala
- Fitg buna abilitad da communitgar en il contact cun differentas gruppas en mira
- Flexibilitad, abilitad da lavurar en in team e discreziun
- Ina scolaziun u furmaziun supplementara en informatica e/u experientscha professiunala en il ICT support è d'avantatg
Nus ans legrain da Vossa annunzia online e da far Vossa enconuschientscha.