Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi dal servetsch social procura per prestaziuns che sustegnan l'integraziun sociala e professiunala, la participaziun sociala e la garanzia da l'existenza da famiglias, d'uffants e da giuvenils, da persunas cun impediments, da persunas cun dischavantatgs socials ed economics, da victimas da violenza (a chasa) e da persunas cun problems da dependenza. El planisescha, promova e surveglia las purschidas e las structuras che correspundan als basegns e che vegnan garantidas tras atgnas cussegliaziuns u en collavuraziun cun differents partenaris. Ulteriuras infurmaziuns chattais Vus sut Uffizi dal servetsch social – Migraziun.
Sco referendaria u referendari liquidais Vus en moda independenta incumbensas en il sectur Migraziun, ch'èn en la cumpetenza da l'Uffizi dal servetsch social. Questa cumpetenza cumpiglia fugitivas e fugitivs renconuschids, fugitivas e fugitivs admess provisoricamain, persunas admessas provisoricamain cun ina dimora da passa 7 onns (AP 7+) sco er persunas cun status da protecziun S che abitan en alloschis individuals. Ultra da quai sustegnais Vus las differentas partiziuns da l'Uffizi dal servetsch social en reguard organisatoric.
Per il Post da coordinaziun Migraziun tschertgain nus per il 1. da zercladur 2026 u tenor cunvegna ina referendaria u in referendari.
Voss champ d'incumbensas
- Liquidar lavurs administrativas da l'emprim sustegn e da l'emprima collocaziun da fugitivas e fugitivs sco er da fugitivas e fugitivs minorens betg accumpagnads suenter la decisiun d'asil
- Surpigliar incumbensas coordinativas en connex cun temas actuals en il sectur Migraziun (p.ex. status da protecziun S)
- Sustegnair la direcziun dal team en connex cun la garanzia da la qualitad administrativa e cun l'ulteriur svilup d'andaments e da process
- Liquidar incumbensas generalas da secretariat e d'administraziun cun il team d'administraziun
- Collavurar cun ils secturs specifics relevants da l'Uffizi dal servetsch social, cun auters posts chantunals, cun il Secretariat da stadi per migraziun e cun ulteriuras organisaziuns
Quai che nus giavischain da Vus
- Scolaziun fundamentala da commerzi terminada
- Expressiun precisa en scrit ed a bucca
- Fitg bunas enconuschientschas da Microsoft Office, en spezial da Word e dad Excel
- Moda da lavurar independenta, proactiva e cun senn da responsabladad
- Plaschair da sustegnair e d'accumpagnar persunas
- Enconuschientschas da las linguas chantunalas uffizialas èn d'avantatg
Nus ans legrain da Vossa annunzia online e da far Vossa enconuschientscha.