Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la furmaziun media-superiura ademplescha las incaricas pertutgant la politica da furmaziun, ch'el survegn da la Regenza e dal Departament d'educaziun, cultura e protecziun da l'ambient per las scolas medias e per il stgalim terziar. La partiziun Furmaziun terziara e perscrutaziun cumpiglia ils secturs Scolas autas ed instituts da perscrutaziun, Furmaziun professiunala superiura e Furmaziun supplementara.
Per la partiziun Furmaziun terziara e perscrutaziun tschertgain nus per il 1. da settember 2026 u tenor cunvegna ina collavuratura scientifica u in collavuratur scientific Furmaziun terziara e perscrutaziun. En ils secturs numnads sustegnais Vus la partiziun sin il stgalim da la collavuraziun a projects fin a la direcziun da projects (tut tenor la furmaziun preliminara e l'experientscha cun lavurs da project).
Voss champ d'incumbensas
- Collavurar e sustegnair la direcziun da la partiziun tar l'execuziun da la legislaziun sco er tar l'elavuraziun e la controlla d'incaricas da prestaziun ad instituziuns da scolaziun dal sectur terziar
- Procurar per il contact e l'infurmaziun da las instituziuns da scolaziun per dumondas e scleriments en connex cun las incaricas da prestaziun
- Scriver posiziuns e basas da decisiun per mauns da la direcziun da l'uffizi, dal departament e da la Regenza
- Cooperar a revisiuns da leschas e d'ordinaziuns
- Collavurar en projects per la realisaziun da las finamiras da la Regenza resp. dals puncts centrals da svilup
- Pussaivladad da far part da gremis da represchentanza e da gruppas da lavur sin plaun chantunal e federal
Quai che nus giavischain da Vus
- Diplom da scola auta (scola auta spezialisada u universitad / Scola politecnica federala)
- Enconuschientschas dal sectur da furmaziun e da perscrutaziun sin il stgalim terziar en Svizra èn d'avantatg
- Abilitad linguistica per la redacziun da documents uffizials
- Moda da lavurar independenta e structurada
- Fitg bunas cumpetenzas communicativas e socialas
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.