Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Cazas Tignez ha circa 110 collavuraturas e collavuraturs e dispona da 150 plazs da detenziun per l'execuziun serrada. Var 100 da quests plazs èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Nus tschertgain ina manadra u in manader per il sectur Fatgs socials e sanadad
Voss champ d'incumbensas
- Vus surpigliais la direcziun specifica, persunala ed organisatorica dal sectur Fatgs socials e sanadad
- Manais, promovais e sviluppais las collavuraturas ed ils collavuraturs da Voss sectur (2 teams cun tut en tut 13 persunas) e sustegnais ellas ed els en lur incumbensas da mintgadi
- Procurais per ina cussegliaziun psicosociala ed ina lavur sociala a favur da la prevenziun da delicts per las persunas collocadas
- Garantis in'assistenza da basa d'auta qualitad en il senn d'in case management professiunal
- Organisais il provediment medicinal da las persunas collocadas, en collavuraziun cun persunas spezialisadas internas ed externas
- Coordinais la furmaziun en l'execuziun da chastis sco er l'assistenza spirituala
- Essas commembra u commember dal cader dal stabiliment e prestais servetsch da pichet la fin d'emna
Quai che nus giavischain da Vus
- In studi da scola auta terminà, da preferenza en lavur sociala cun plirs onns experientscha professiunala e directiva
- En il cas ideal enconuschientschas da l'execuziun giudiziala u dal sectur forensic
- Gronda cumpetenza sociala, empatia e flexibilitad
- Forza da persvader ed abilitad d'agir en moda reflectada ed orientada a soluziuns sco er capacitad da prender decisiuns en moda segira e cun responsabladad
- Abilitads communicativas adequatas als adressats, fitg bunas cumpetenzas organisatoricas sco er gronda abilitad da supportar squitsch
- Fitg buna expressiun en scrit ed a bucca per tudestg; ulteriuras enconuschientschas da las linguas chantunalas ed estras èn d'avantatg
- Ina conduita irreproschabla vegn premessa (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.