Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da militar e da protecziun civila è il post chantunal spezialisà per tut ils fatgs en ils secturs militar, protecziun civila e protecziun da la populaziun ed exequescha las leschas respectivas.
La protecziun civila è ina da las tschintg organisaziuns partenarias da la protecziun da la populaziun (polizia, pumpiers, sectur da sanadad, manaschis tecnics, protecziun civila). Il chantun Grischun ha var 1700 appartegnents da la protecziun civila. Els prestan lur servetsch en las cumpagnias regiunalas da la protecziun civila sco er en differentas furmaziuns spezialas.
Per il 1. d'avust 2026 u tenor cunvegna tschertga l'Uffizi da militar e da protecziun civila ina manadra u in manader per il sectur Protecziun civila acziun / instrucziun.
Voss champ d'incumbensas
- Manar en reguard persunal, professiunal ed organisatoric il sectur da la Protecziun civila acziun / instrucziun sco er il battagliun da la Protecziun civila dal Grischun
- Sviluppar vinavant l'organisaziun areguard la structura, ils process e la scolaziun
- Garantir in manaschi da servetsch reglà en il center da scolaziun Meiersboda
- Garantir la prontezza d'acziun da la protecziun civila
- Sustegnair e cussegliar ils cumandants ed ils caders da las cumpagnias regiunalas da la protecziun civila
- Manar e collavurar en differents projects
- Sa participar a barats interchantunals ed a gruppas da lavur
- Commember da la direcziun da l'uffizi
Quai che nus giavischain da Vus
- Scolaziun professiunala terminada cun plirs onns experientscha pratica
- Diplom sco instructura u instructur da la protecziun civila cun attest federal da qualificaziun
- Plirs onns experientscha da manar persunas en il sectur dal militar u da la protecziun civila
- Stil da manar motivant ed orientà al team, demananza segira e capacitad da persvader
- Gronda prontezza da prestar servetschs ed abilitad da lavurar en in team en in ambient interdisciplinar
- Persunalitad innovativa cun in pensar cumplessiv e cun fermezzas strategicas, concepziunalas e communicativas
- Abilitads versadas d'organisar, planisar e coordinar
- Abilitads analiticas e cumpetenzas da schliar problems
- Gronda cumpetenza sociala, flexibilitad ed ina gronda abilitad da supportar squitsch
- Enconuschientschas dal talian e/u dal rumantsch èn d'avantatg
Nus ans legrain da Vossa annunzia online e da far Vossa enconuschientscha.