Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sco Uffizi d'informatica tschertgain per immediat u tenor cunvegnaina u in system engineer per applicaziuns da Windows.
Tes champ d'incumbensas
- Ti es responsabla u responsabel per il support dal segund nivel da las applicaziuns da Windows e procuras per la disponibladad
- Ti realiseschas en moda independenta projects da clients ed has la responsabladad tecnica – davent da la planisaziun fin a l'integraziun da l'applicaziun
- Ti analiseschas incidents cumplexs, sustegnas nossa clientella en cas da midadas e procuras per in'auta qualitad dals servetschs
Quai giavischain nus da tai
- Ina scolaziun u furmaziun supplementara en informatica ubain experientscha en la gestiun d'applicaziuns tecnica
- Enconuschientschas fundadas cun Windows Server e cun ils instruments d'automatisaziun usitads
- In pensar cumplessiv ed analitic sco er ina moda da lavurar structurada ed orientada al team
- Buna perseveranza ed ina mentalitad da «hands on» – las sfidas prendas ti per mauns cun plaschair
- Prontezza da far mintgatant servetschs ordaifer il temp da lavur regular
- Bunas enconuschientschas a bucca ed en scrit dal tudestg
Nus ans legrain da tia annunzia online e d'emprender d'enconuscher tai.