Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Nus tschertgain per il 1. da zercladur 2026 u tenor cunvegna ina collavuratura u in collavuratur per il bain puril / allroundra u allrounder
Voss champ d'incumbensas
- Assister, introducir e manar persunas collocadas
- Vus prestais servetschs en tut ils secturs dal bain puril. Quai cumpiglia la tegnida d'animals, la cultivaziun dals ers e la pumicultura, il lavuratori agrar e l'orticultura
- Sco allroundra u allrounder collavurais Vus en cas urgents er en auters secturs dal Stabiliment giudizial Realta, sco p.ex. sin la plazza da laina
- Liquidar en moda cumpetenta ed entaifer ils termins tut las lavurs che resultan en il champ d'acziun
- Vus faschais er servetschs da fin d'emna e da pichet
Quai che nus giavischain da Vus
- In emprendissadi terminà sco pura u pur AFQ u ina scolaziun equivalenta en la branscha verda
- Experientscha professiunala da plirs onns
- Il contact cun persunas da differentas culturas vesais Vus sco sfida positiva
- Ina persunalitad equilibrada e flexibla ch'è abla da lavurar en in team, da supportar squitsch e da schliar conflicts cun in gronda cumpetenza sociala
- Bunas enconuschientschas dal tudestg (almain C1), enconuschientschas da linguas estras èn d'avantatg
- Plaschair da lavurs fitg variadas
- Permiss da manischar da la categoria B
- Prontezza d'absolver la scolaziun sco spezialista u spezialist per l'execuziun giudiziala
- Conduita irreproschabla (naginas inscripziuns en l'extract dal register penal e dal register da scussiun)
Nus ans legrain da Vossa annunzia online e da far Vossa enconuschientscha.