Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da vischnancas procura che las vischnancas, las vischnancas burgaisas e las regiuns sajan organisadas tenor la lescha, possian ademplir lur incumbensas en atgna responsabladad e sajan finanzialmain saunas. El surveglia las vischnancas (surveglianza instituziunala e surveglianza da las finanzas) ed è responsabel per l'execuziun da la gulivaziun da finanzas. Cun promover fusiuns da vischnancas procura el per il rinforzament da l'instituziun vischnanca.
Per l'Uffizi da vischnancas tschertgain nus per il 1. da settember 2026 u tenor cunvegna ina collavuratura u in collavuratur da project sco sustegn efficazi en la partiziun Servetschs.
Voss champ d'incumbensas
- Sustegnair projects ed incumbensas da l'uffizi (gulivaziun da finanzas, refurma da vischnancas, rapport davart l'efficacitad e.u.v.)
- Sustegnair la direcziun (tranter auter contabilitad e finanzas internas, rapportaziun, garanzia da qualitad, sistem da controlla intern, administraziun dal persunal)
- Responsabladad per la IT e la digitalisaziun, power user
- Sustegnair e scolar collavuraturas e collavuraturs
Quai che nus giavischain da Vus
- Scolaziun commerziala da basa, cumplettada cun ina furmaziun supplementara superiura
- Experientscha professiunala en il backoffice ed en il sustegn da la direcziun
- Gronda affinitad per la IT
- Fitg bunas abilitads communicativas
- La lingua da lavur è tudestg. Enconuschientschas d'almain in'ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.