Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'unic chantun triling da la Svizra ha ina fitg gronda varietad economica, culturala e politica – gist tuttina è er l'administraziun chantunala. Concepi ensemen cun nus l'avegnir dal chantun.
La Centrala dal clom d'agid sanitar 144 Grischun organisescha e coordinescha en il chantun Grischun il salvament da persunas che han gì in accident u ch'èn vegnidas malsaunas. Ella è ina partiziun da l'Uffizi da sanadad e sa chatta en las localitads da la Centrala d'alarm e d'acziuns da la Polizia chantunala dal Grischun a Cuira.
Per la Centrala dal clom d'agid sanitar 144, en il biro a la Ringstrasse 2 a Cuira, tschertgain nus per il 1. da fanadur 2026 u tenor cunvegna ina referendaria u in referendari per l'administraziun.
Voss champ d'incumbensas
- Manar en moda independenta il secretariat da la Centrala dal clom d'agid sanitar 144
- Responsabladad per l'organisaziun independenta dal sectur dals medis da servetsch, da las apotecas, dals dentists e medis dad egls; persuna da contact per ils planisaders regiunals dals servetschs da las organisaziuns partenarias respectivas; registrar e midar las datas dals servetschs en il sistem directiv da la Centrala d'alarm
- Controllar las prestaziuns da basa fixas dals servetschs da salvament e dals medis da servetsch tenor las cunvegnas da prestaziun actualmain valaivlas; rapportar a l'Uffizi da sanadad
- Elavurar il cudesch d'indicaturs annual dals fatgs da salvament dal Grischun
- Scriver, spedir e controllar ils quints da quartal ed ils quints annuals; persuna da contact per ils debiturs
- «Power user» per il sistem per administrar documents CMI
- Liquidar las correspundenzas che resultan, scriver protocols, sustegnair la direcziun da la Centrala dal clom d'agid sanitar 144 en connex cun lavurs administrativas generalas
Quai che nus giavischain da Vus
- Vus avais terminà ina scolaziun commerziala (stringentamain AFQ)
- Vus avais experientscha da lavurar en il sectur da secretariat / assistenza, protocollaziun, lavurais en moda independenta, effizienta ed exacta ed essas ina persuna orientada als servetschs
- Vus avais enconuschientschas irreproschablas dal tudestg en scrit ed a bucca, enconuschientschas dal talian èn giavischadas
- Vus avais in'affinitad per la IT en connex cun l'applicaziun da sistems d'informatica (CMI administraziun da documents sistem directiv PELIX, e.u.v.); en connex cun las applicaziuns centralas dad MS Office (Excel, Power-Point, Word, Outlook) avais Vus fitg bunas enconuschientschas e sche pussaivel il diplom ICT Advanced User SIZ
- Vus avais in talent organisatoric, essas abla u abel da lavurar en in team ed essas ina persuna communicativa e discreta
- Il pensum vegn repartì sin ils dis da l'emna (gli–ve, per regla avantmezdi)
Nus ans legrain da Vossa annunzia online e da far Vossa enconuschientscha.