Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per il svilup dal territori dal Grischun (UST) concepescha il futur da noss spazi da viver alpin unic. Cun var 35 collavuraturas e collavuraturs motivads ans engaschain nus per nizzegiar cun responsabladad il terren sco resursa stgarsa e per accordar en moda equilibrada ils interess multifars envers noss spazi da viver. Nossas incumbensas cumpiglian la realisaziun da las prescripziuns da la Regenza ord vista da l'organisaziun dal territori, l'accumpagnament da las planisaziuns localas e regiunalas u l'examinaziun da las dumondas da construcziun ordaifer la zona da construcziun. En il center stattan adina la transparenza, la cumpetenza professiunala e la protecziun da nossa basa da viver natirala.
Per rinforzar noss team da la partiziun Planisaziun d'utilisaziun ed EOZ tschertgain nus tenor cunvegna duas planisadras u dus planisaders dal territori sco planisadras cirquitalas u planisaders cirquitals (mintgamai 70–90 %).
Voss champ d'incumbensas
- Vus essas l'emprima persuna da contact per vischnancas e lur biros da planisaziun en dumondas dal svilup territorial, da la planisaziun d'utilisaziun e d'edifizis e stabiliments ordaifer las zonas da construcziun (EOZ)
- Examinais planisaziuns d'utilisaziun communalas ed elavurais ils conclus respectivs per mauns da l'autoritad d'approvaziun
- Manais proceduras dad EOZ ed examinais dumondas EOZ e scrivais permissiuns EOZ
- Redigis consultaziuns en connex cun ulteriurs projects relevants per il territori
- Accumpagnais process d'impurtanza territoriala speziala sin plaun communal
Quai che nus giavischain da Vus
- Studi da bachelor u da master terminà (u diplom equivalent) en planisaziun dal territori, architectura u in champ professiunal parentà, en il cas ideal cumbinà cun plirs onns experientscha professiunala
- Moda da lavurar independenta, structurada ed orientada a la clientella ed a soluziuns
- Abilitad da lavurar en in team, plaschair da contacts, flexibilitad ed abilitad da supportar squitsch
- Bunas enconuschientschas dal chantun Grischun e da sias relaziuns socialas
- Experientscha u enconuschientschas dad urbanistica ed architectura
- Bunas abilitads communicativas sco er ina buna expressiun a bucca ed en scrit en tudestg Enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.