Collavuratura u collavuratur per l'administraziun

Uffizi per industria, mastergn e lavur | 80–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

L'Uffizi per industria, mastergn e lavur (UCIML) occupa actualmain var 135 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza, e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.

Per la partiziun Intermediaziun da lavur (CIL) tschertgain nus per il 1. da zercladur 2026 u tenor cunvegna ina collavuratura administrativa u in collavuratur administrativ (80–100 %).

Voss champ d'incumbensas

  • Incumbensas administrativas generalas
  • Manar independentamain la correspundenza en tudestg ed en talian
  • Tgirar datas ed administrar documents en ils sistems specifics 
  • Organisar termins, discurs e sesidas 
  • Annunziar persunas che tschertgan ina plazza
  • Far l'administraziun da las plazzas
  • Tgirar la centrala da telefon e la posta ch'entra e sorta 
  • Tgirar il spurtegl da retschaviment
  • Sustegnair andaments administrativs

Quai che nus giavischain da Vus

  • Emprendissadi commerzial terminà u scolaziun equivalenta 
  • Fitg bunas enconuschientschas dals programs usitads dad Office sco er abilitads segiras en l'utilisaziun dal computer
  • Demananza amiaivla e professiunala
  • Fitg buna abilitad da communitgar en il contact cun differentas gruppas en mira 
  • Flexibilitad, abilitad da lavurar en in team e discreziun
  • Fitg bunas enconuschientschas a bucca ed en scrit dal tudestg, bunas enconuschientschas dal talian

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi per industria, mastergn e lavur
Ringstrasse 10
7001 Cuira

Per dumondas davart la professiun sco er davart la procedura da recrutaziun stat Maria Del Grosso, manadra dal secretariat Intermediaziun da lavur (CIL), gugent a Vossa disposiziun sut il numer da telefon 081 257 31 16.

Termin d'annunzia: 12 d'avrigl 2026


Nus ans legrain da Vossa annunzia online e da far Vossa enconuschientscha.
S'annunziar online