Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun da taglia tschertga Vus, ina persunalitad da buna luna e motivada, a partir d'immediat u tenor cunvegna. Nus As purschain ina introducziun cumplessiva en in champ da lavur captivant e pretensius ed en in clima da lavur colleghial.
Voss champ d'incumbensas
- Vus eruis ils facturs fiscals da las taglias sin las entradas e la facultad da persunas cun activitad da gudogn independenta da la branscha d'agricultura
- Revisiuns da la contabilitad en il sectur da l'agricultura
- Scleriments en scrit u en persuna cun pajataglias, cun cussegliadras e cussegliaders da taglia e cun las autoritads
- Elavurar meds legals, liquidar protestas, far la consultaziun en cas da recurs e da recurs davant dretgira
Quai che nus giavischain da Vus
- Scolaziun superiura en direcziun economia da manaschi (p.ex. fiduziaria u fiduziari cun certificat professiunal federal, persuna spezialisada en finanzas e contabilitad cun certificat professiunal federal u scolaziun equivalenta) e da preferenza enconuschientschas da l'agricultura
- Experientscha professiunala da plirs onns, da preferenza en il sectur da la contabilitad, da l'administraziun fiduziaria e / u da las taglias che han ina relaziun cun l'agricultura
- Vus avais in bun dun receptiv ed ina buna expressiun a bucca ed en scrit per tudestg. Enconuschientschas dal rumantsch e dal talian èn d'avantatg
- Plaschair da prender decisiuns
- Bun dun da contractar ed abilitad da sa far valair sco er demananza curtaschaivla e segira
- Engaschament professiunal e prontezza da sa perfecziunar
- Abilitad da supportar squitsch
- Dun organisatoric
- Abilitad da lavurar en in team
- Discreziun e fidadadad
Nus ans legrain da Vossa annunzia online e da far Vossa enconuschientscha.