Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Nus tschertgain per immediat u tenor cunvegna ina persuna spezialisada per fatgs da construcziun e da planisaziun sco referendaria u referendari per projects tecnics, per sustegnair il spezialist regiunal Avertura ed ovras da protecziun (80–100 %).
Tes champ d'incumbensas
- Sustegnair il spezialist Avertura ed ovras da protecziun en connex cun la concepziun, la projectaziun e la realisaziun da projects da construcziun
- Elavurar independentamain tschertas incumbensas per projects specifics
- Persuna da contact regiunala concernent il cataster da las ovras da protecziun ed il cataster da l'avertura dal guaud
- Sustegnair las inschigneras ed ils inschigners forestals regiunals en differents reguards en connex cun projects specifics, confurm a las atgnas abilitads
- Administraziun e lavurs administrativas generalas
Quai giavischain nus da tai
- Selvicultura u selvicultur SSS, inschignera forestala u inschigner forestal SAS, inschignera u inschigner da construcziun SAS ubain ina scolaziun u furmaziun supplementara equivalenta en ils fatgs da construcziun e da planisaziun
- Cumpetenzas specificas concernent l'inschigneria forestala e las ovras da protecziun
- Experientschas en ils fatgs da construcziun e da planisaziun sco er cun il management da projects e cun las acquisiziuns publicas
- Enconuschientschas dal SIG, da GPS e dal diever da dronas
- Ina persunalitad engaschada e fidada che lavura a favur dal team
- La lingua da lavur generala è tudestg; bunas enconuschientschas da pliras linguas chantunalas èn d'avantatg
Sin quai pos ti ta legrar
- Ina incumbensa signifitganta che ha in connex direct cun ils fatgs da construcziun forestals e cun las ovras da protecziun
- Lavurar en moda independenta en in team engaschà e colleghial
- Libertad creativa e pussaivladads da svilup
- Cundiziuns da lavur modernas
Nus ans legrain da Vossa annunzia online e da far Vossa enconuschientscha.