Spezialista u spezialist per las plattafurmas da Microsoft Power Platform e SharePoint

Uffizi d'informatica | 60–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.

Nus stain al cumenzament d'in nov product strategic: nossa plattafurma per la collavuraziun digitala, per l'automatisaziun e per process da lavur moderns en l'administraziun chantunalasin basa da Microsoft 365. Perquai tschertgain nus, sco Uffizi d'informatica, per immediat u tenor cunvegna ina spezialista u in spezialist per las plattafurmas da Microsoft Power Platform e SharePoint.

Tes champ d'incumbensas

  • Garantir il manaschi, l'administraziun ed il svilup permanent da Power Platform e dals conturns da SharePoint
  • Analisar, concepir, sviluppar ed assister professiunalmain soluziuns per Power Platform e per ils conturns da SharePoint
  • Sustegnair la clientella en connex cun l'automatisaziun e cun la digitalisaziun da process da gestiun
  • Collavurar en il support dal segund e dal terz nivel
  • Elavurar e tgirar documentaziuns tecnicas e definiziuns da governance

Quai giavischain nus da tai

  • Scolaziun u furmaziun supplementara en informatica ed experientscha da plirs onns cun Microsoft 365, en spezial cun Power Platform e SharePoint Online
  • Fitg bunas enconuschientschas da PowerShell sco er da JavaScript / TypeScript
  • Experientscha cun REST-APIs sco er cun formats da datas structurads, sco JSON ed XML
  • Moda da lavurar analitica, structurada ed orientada a soluziuns sco er abilitad da communitgar temas tecnics cumplexs en moda chapaivla
  • Persunalitad fidada ed independenta che lavura a favur dal team
  • Bunas enconuschientschas a bucca ed en scrit dal tudestg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'informatica
Rosenweg 4
7001 Cuira

Has ti dumondas? T'annunzia tar Philipp Birri, manader Svilup d'applicaziuns e Plaz da lavur digital, sut 081 257 31 63, u tar Seraina Candinas, responsabla per il persunal, sut 081 257 31 78.

Nus acceptain mo annunzias directas – dumondas da biros per l'intermediaziun da plazzas na resguardain nus betg.

Termin d'annunzia: 1. d'avrigl 2026


Nus ans legrain da tia annunzia.


S'annunziar online