Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da sanadad è in post da servetsch central dal Departament da giustia, segirezza e sanadad dal chantun Grischun. El realisescha las prescripziuns dal dretg federal e chantunal e procura uschia essenzialmain, ch'il provediment da la sanadad en il chantun ha in'auta qualitad, è segir e persistent.
L'uffizi è dividì en ils suandants secturs spezials: permissiuns e surveglianza da las professiuns ed instituziuns da sanadad, servetsch da medi chantunal, controlla da medicaments e da narcotics, finanzas e controlling, promoziun da la sanadad e prevenziun sco er clom d'agid sanitar dal Grischun.
Per rinforzar noss team tschertgain nus ina persunalitad engaschada e professiunalmain versada cun diplom federal da dentista u dentist, che sustegna cumpetentamain l'uffizi en connex cun la surveglianza odontologica sco er en dumondas specificas ed en fatgs da la politica da sanadad.
Voss champ d'incumbensas
- Cussegliar e sustegnair l'uffizi en connex cun la surveglianza sanitara uffiziala en dumondas d'odontologia (en spezial la surveglianza da l'activitad professiunala da dentistas e dentists)
- Gidar a controllar che las obligaziuns professiunalas vegnian observadas
- Far inspecziuns da praticas e da manaschis
- Scriver posiziuns e denunzias en cas da cuntravenziuns cunter prescripziuns sanitaras uffizialas
- Infurmar las dentistas ed ils dentists pratitgants davart lur obligaziuns professiunalas
- Survegliar la realisaziun da la tgira da dents en scola
- Cooperar a l'elavuraziun da posiziuns en il rom da proceduras da consultaziun federalas, interchantunalas e professiunalas concernent prescripziuns dal sectur odontologic
- Sa participar a barats interchantunals ed a gruppas da lavur
Quai che nus giavischain da Vus
- Diplom federal da dentista u dentist ed experientscha professiunala da plirs onns en Svizra
- Sche pussaivel activitad pratica en il chantun Grischun
- Gronda cumpetenza sociala, bunas abilitads da lavurar en in team e flexibilitad
- Buna expressiun a bucca ed en scrit
- Moda da lavurar independenta, analitica e precisa
- Interess per dumondas da la politica da sanadad
- Enconuschientschas dal talian èn d'avantatg, na vegnan dentant betg premessas
Nus ans legrain da Vossa annunzia online e da far Vossa enconuschientscha.