Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Polizia da traffic presta ina contribuziun centrala per la segirezza sin las vias e per la circulaziun dal traffic senza disturbis. En questa funcziun da cader da responsabladad manais Vus in sectur d'organisaziun multifar cun var 80 collavuraturas e collavuraturs ed influenzais activamain l'ulteriur svilup strategic da la Polizia da traffic.
Nus tschertgain ina persunalitad engaschada e flexibla sco scheffa u schef da la Polizia da traffic / substituta u substitut dal schef da la Polizia da regiuns e da traffic.
Voss champ d'incumbensas
- Manar il sectur Polizia da traffic
- Manar en reguard persunal, professiunal ed organisatoric ils caders subordinads en ils differents secturs spezials (Center da la polizia stradala nord, Registratura da traffic, Tecnica da traffic, Administraziun da traffic, Centers da controlla per il traffic pesant ad Unterrealta [Cazas] e Campagnola [San Vittore] e rait da cumpetenza dal traffic)
- Garantir il provediment da basa da la Polizia da traffic en il territori da responsabladad
- Sustegnair il schef da la Polizia da regiuns e da traffic sco substituta u substitut ed en il sectur spezial Traffic
- Sustegnair sco persuna responsabla dal sectur la Polizia da regiuns d'exequir las incumbensas da la Polizia da traffic
- Tgirar ina stretga collavuraziun cun la Procura publica e cun ulteriuras autoritads chantunalas, interchantunalas e naziunalas
- Sviluppar vinavant l'organisaziun areguard la structura, ils process e la furmaziun supplementara
- Esser commembra u commember sco er cooperar en la direcziun
- Prestar servetsch regular sco uffiziera u uffizier da pichet
Quai che nus giavischain da Vus
- En cas ideal diplom sco giurista u giurist u en studis cumparegliabels
- En il cas ideal experientscha sco uffiziera u uffizier da polizia u savida spezialisada fundada da la Polizia criminala e quella da traffic sco er fitg bunas enconuschientschas praticas dal dretg da polizia, dal dretg penal e dal dretg da procedura penala
- Persunalitad innovativa cun in pensar cumplessiv e cun fermezzas strategicas, concepziunalas e communicativas
- Stil da manar motivant ed orientà al team, demananza segira e capacitad da persvader
- Interess per ils aspects strategics e da l'economia da manaschi da la lavur directiva
- Abilitads versadas d'organisar, planisar e coordinar
- Abilitads analiticas excellentas e cumpetenzas da schliar problems
- Gronda cumpetenza sociala, flexibilitad ed ina gronda abilitad da supportar squitsch
- Moda da lavurar structurada e l'abilitad da communitgar en moda confurma al stgalim
- Enconuschientschas dal talian èn giavischadas
Nus ans legrain da Vossa annunzia online e da far Vossa enconuschientscha.