Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Museum da la natira dal Grischun infurmescha sco in da trais museums chantunals dal Grischun davart la natira indigena. Mintg'onn visitan bler dapli che 30 000 giasts nossas exposiziuns e profitan da la purschida multifara da visitas guidadas, referats, curs ed excursiuns. Il team cumpiglia var 25 collavuraturas e collavuraturs cun blers champs d'incumbensas. Per ch'il manaschi dal museum e las activitads multifaras funcziunian senza incaps, èsi er fitg impurtant che las exposiziuns e l'infrastructura da l'edifizi cun sia informatica ed IT vegnian tgiradas professiunalmain.
Perquai ch'il titular actual da la plazza va proximamain en pensiun, tschertgain nus per il 1. d'avust 2026 u tenor cunvegna ina collavuratura u in collavuratur per il sectur Tecnica da museum.
Per il Museum da la natira dal Grischun, che fa part da l'Uffizi da cultura, tschertgain nus per il 1. d'avust 2026 u tenor cunvegna ina collavuratura u in collavuratur per noss pitschen team en il sectur Tecnica da museum.
Voss champ d'incumbensas
- Substituziun dal pedel: mantegnair il museum, applitgar e tegnair en funcziun ils indrizs tecnics, tgirar ils animals vivs
- Installar, demontar e transportar exposiziuns entaifer ed ordaifer il museum
- Servetsch da pichet
- Endrizzar e tgirar l'infrastructura e la tecnica per referats, curs e.u.v.
- Sustegnair la tgira da l'informatica/IT dal Museum da la natira
Quai che nus giavischain da Vus
- Generalista u generalist cun emprendissadi terminà e cun in fitg bun inschign tecnic e manual
- Fitg bunas enconuschientschas ed experientscha en informatica/IT sco er in bun dun receptiv e prontezza da lavurar cun novs tools
- Abilitad organisatorica, moda da lavurar speditiva, independenta ed exacta, gronda abilitad da supportar squitsch fisic e flexibilitad per singuls servetschs da la saira u da la fin d'emna
- Plaschair da lavurar en in team, gronda motivaziun e buna communicaziun
- Interess per museums e per temas da la natira
Nus ans legrain da Vossa annunzia online e da far Vossa enconuschientscha.