Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Persunas ch'èn vegnidas donnegiadas directamain en lur integritad corporala, psichica u sexuala en consequenza d'in malfatg sco er lur confamigliaras e confamigliars gida l'Agid a victimas dal Grischun a dumagnar las consequenzas dals malfatgs.
Agid a victimas / Violenza a chasa
Nus tschertgain per il 1. da zercladur 2026 u tenor cunvegna ina lavurera sociala u in lavurer social.
Voss champ d'incumbensas
- Cussegliar e sustegnair persunas creschidas, giuvenils ed uffants ch'èn daventads victimas da violenza
- Cussegliar en dumondas giuridicas e porscher sustegn psicosocial a las persunas pertutgadas
- Accumpagnar en proceduras penalas sco er intermediar agid tenor la Lescha davart l'agid a victimas
- Crear raits e collavurar entaifer ed ordaifer il post spezialisà
Quai che nus giavischain da Vus
- Scolaziun terminada sco lavurera sociala u lavurer social BSc / SAS ubain diplom en ina disciplina tematicamain parentada (psicologia / dretg)
- Experientscha cun cussegliaziuns cumplexas
- Independenza, gronda abilitad da supportar squitsch sco er in pensar ed agir cumbinatoric
- Buna expressiun linguistica (en scrit sco er a bucca) en tudestg e da preferenza supplementarmain er en talian
- Enconuschientschas d'autras linguas estras èn giavischadas
Nus ans legrain da Vossa annunzia online e da far Vossa enconuschientscha.