Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Per il 1. da fanadur 2026 u tenor cunvegna tschertgain nus ina manadra u in manader Servetsch giuridic / actuariat per la APUC Grischun, filiala Grischun dal Nord.
Voss champ d'incumbensas
- Manar en reguard persunal, professiunal ed organisatoric il servetsch giuridic (cun 4 collavuraturas e collavuraturs suttamess directamain)
- Controllar ed adattar process existents sco er il reporting e sviluppar vinavant il servetsch da sustegn
- Sustegnair e cussegliar las commembras ed ils commembers da l'autoritad sco er las procuraturas ed ils procuraturs en dumondas giuridicas materialas e formalas (dretg da la protecziun d'uffants e da creschids, dretg matrimonial e d'ierta, fatschentas da bains immobigliars, dretg d'assicuranza, dretg privat internaziunal)
- Elavurar en moda independenta las proceduras attribuidas, tranter auter fatschentas che dovran in consentiment (art. 416 CCS)
- Elavurar sbozs da decisiuns en las proceduras attribuidas
- Activitad d'actuariat per mauns da l'autoritad
- Collavurar activamain en differentas gruppas da project (p.ex. definiziun da la pratica, revisiuns da leschas)
- Protocollaziun d'audiziuns
Quai che nus giavischain da Vus
- Persunalitad directiva ch'è abla da stgaffir lioms e che ha fitg bunas cumpetenzas communicativas e socialas sco er in egl per soluziuns
- Diplom universitar en giurisprudenza
- Experientscha professiunala, da preferenza tar ina APUC, en in'advocatura u tar ina dretgira, sco er enconuschientschas solidas dal dretg privat
- Gronda prontezza da prestar servetschs ed abilitad da lavurar en in team en in ambient interdisciplinar
- Persunalitad independenta e flexibla cun in pensar cumplessiv, ch'è abla da supportar squitsch
- Fitg bunas abilitads da s'exprimer a bucca ed en scrit (tudestg)
- Moda da lavurar premurusa, effizienta e precisa
- Gronda cumpetenza sociala ed empatia envers persunas en situaziuns da vita difficilas
Nus ans legrain da Vossa annunzia online e da far Vossa enconuschientscha.