Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus noss posts da servetsch cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Il servetsch da clientella dad IT è exact tia chaussa! Nus sco Uffizi d'informatica tschertgain perquai per immediat u tenor cunvegna ina collavuratura u in collavuratur per il servicedesk ICT.
Tes champ d'incumbensas
- Ti prendas encunter dumondas da support ed annunzias da disturbis sur differents chanals d'entrada
- Ils cas pli cumplexs tramettas ti vinavant cun ina clera descripziun dal sbagl al support dal segund nivel
- Ti analiseschas e schlias problems e documenteschas tes pass en moda chapaivla
- Ti tegns la survista da tias dumondas da support e procuras che quellas vegnan terminadas en moda accurata
- Ti elavuras e tgiras descripziuns chapaivlas per la clientella sco er documentaziuns per il team
Quai giavischain nus da tai
- Scolaziun u furmaziun supplementara en informatica ubain plirs onns experientscha en il support da l'emprim nivel
- Ferma orientaziun als basegns da la clientella ed als servetschs
- Bunas enconuschientschas dals products da Microsoft Office
- Ina moda da lavurar structurada, orientada al team ed a las soluziuns
- Bunas enconuschientschas a bucca ed en scrit dal tudestg
Nus ans legrain da Vossa annunzia online e da far Vossa enconuschientscha.