Fufragnadi – diversas professiuns AFP ed AFQ

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Durant in fufragnadi (dad 1 fin 5 dis) pos ti ta far in maletg dal mintgadi professiunal e da l'administraziun chantunala. Ti emprendas ad enconuscher las furmaturas ed ils furmaturs da las professiuns e survegns ina invista da glieud che lavura en questa professiun. Tut tenor la professiun vesas ti, co che las maschinas, ils computers, ils utensils ed ils materials vegnan duvrads e co ch'els vegnan applitgads da las persunas spezialisadas.

Sin dumonda purschain nus fufragnadis en tut las professiuns cun ils emprendissadis che nus instruin. Has ti interess? Lura t'annunzia anc oz per in fufragnadi!