Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per il traffic sin via è cumpetent per admetter al traffic vehichels, bartgas sco er manischunzas e manischunzs, ed er per controllar periodicamain vehichels e bartgas, per relaschar mesiras administrativas cunter manischunzas e manischunzs fallibels sco er per imponer ed incassar taglias da traffic.
Per l'Uffizi per il traffic sin via / Departament da giustia, segirezza e sanadad tschertgain nus per il 1. da fanadur 2026 u tenor cunvegna ina referendaria u in referendari per la disposiziun.
Voss champ d'incumbensas
- Elavurar incumbensas en moda independenta en il sectur spezial da la disposiziun da la controlla dals vehichels e dals examens da manischunzs
- Liquidar lavurs administrativas multifaras
- Dar infurmaziuns en scrit ed al telefon a nossa clientella
- Far servetsch da spurtegl e cussegliar persunalmain nossa clientella
Quai che nus giavischain da Vus
- Ina scolaziun da basa commerziala u ina scolaziun equivalenta terminada
- Plaschair e sentiment per ir enturn cun il public
- Ina fitg buna expressiun a bucca ed en scrit
- Fitg bunas abilitads da lavurar en in team e flexibilitad
- Utilisaziun segira dals meds d'informatica usitads
- Bunas enconuschientschas dal talian èn giavischadas
Nus ans legrain da Vossa annunzia online e da far Vossa enconuschientscha.