Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Nus tschertgain tenor cunvegna ina collavuratura u in collavuratur per il servetsch Assistenza e segirezza
Voss champ d'incumbensas
- Survegliar, accumpagnar e manar persunas collocadas da differents spazis culturals
- Esser la persuna da contact directa en cas da dumondas e da giavischs da las persunas collocadas
- Garantir e coordinar in andament ordinà dal manaschi resguardond las basas legalas sco er las prescripziuns e las reglas relevantas da l'execuziun e da la segirezza
- Scriver rapports e documentar eveniments
- Prestar servetschs da la damaun, dal di, da la saira, da la notg e da la fin d'emna
Quai che nus giavischain da Vus
- In emprendissadi terminà d'almain 3 onns cun AFQ u ina scolaziun equivalenta
- Ina persunalitad equilibrada ch'è abla da supportar squitsch e da schliar conflicts e che ha ina gronda cumpetenza sociala
- Plaschair da lavurar en in team sco er da collavurar sin plaun interdisciplinar
- Indispensabel è l'interess per dumondas e problematicas sociopsicologicas d'ina execuziun giudiziala
- Fitg bunas enconuschientschas dal tudestg (almain C1), enconuschientschas da linguas estras èn d'avantatg
- Bunas enconuschientschas en l'applicaziun dal computer
- Permiss da manischar da la categoria B
- Prontezza d'absolver la scolaziun sco spezialista u spezialist per l'execuziun giudiziala
- Conduita irreproschabla (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.