Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per la concessiun e la retratga da permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
Per l'Uffizi da migraziun e da dretg civil tschertgain nus per immediat u tenor cunvegna ina referendaria u in referendari.
Voss champ d'incumbensas
- Tractar e survegliar las dumondas d'asil ch'èn vegnidas attribuidas al chantun, quai en vista a la procedura ed en spezial en vista a l'execuziun
- Organisar partenzas voluntaras e repatriaments sfurzads
- Contact cun persunas estras sco er cun organisaziuns partenarias entaifer il chantun e cun autoritads sin plaun federal
- Prender mesiras organisatoricas
- Realisar e protocollar interrogaziuns
- Scriver rapports, posiziuns e disposiziuns
- Liquidar la correspundenza generala e differentas incumbensas administrativas
Quai che nus giavischain da Vus
- Scolaziun professiunala commerziala u equivalenta
- Plirs onns experientscha professiunala sco er experientscha en l'elavuraziun da dumondas giuridicas
- Independenza, atgna responsabladad e plaschair da prender decisiuns
- Abilitad da lavurar en in team, moda da lavurar conscienziusa ed exacta
- Bun dun receptiv e pensar cumbinatoric
- Cumpetenzas excellentas da communicaziun e da coordinaziun
- Flexibilitad ed ina moda da lavurar effizienta e sistematica
- Capacitad extraordinaria da persvader e fitg buna abilitad da lavurar sut squitsch
- Empatia en il contact cun differentas culturas ed istorgias da vita
- Permiss da manischar valaivel per autos da persunas, enconuschientschas da linguas estras èn d'avantatg
- Prontezza da prestar servetsch da pichet ordaifer las uras da manaschi
Nus ans legrain da Vossa annunzia online e da far Vossa enconuschientscha.