Managera u manager da servetschs dad ICT

Uffizi d'informatica | 60–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus noss posts da servetsch cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.

Nus sco Uffizi d'informatica tschertgain perquai per immediat u tenor cunvegna ina managera u in manager da servetschs dad ICT

Tes champ d'incumbensas

  • Ti cusseglias noss posts da servetsch ed als gidas a tscherner ils servetschs dad ICT adequats
  • Ti analiseschas incidents, problems e changes e deduceschas da quai mesiras da meglieraziun
  • Ti tgiras il catalog da servetschs ICT
  • Ti collavuras stretgamain cun noss teams dad ICT interns ed als gidas ad introducir novs servetschs dad ICT 
  • Ti optimeschas process dal management da servetschs dad ICT
  • Ti es responsabla u responsabel per il management da licenzas e sviluppas vinavant quel
  • Ti elavuras reports, indicaturs ed ulteriuras basas da decisiun

Quai giavischain nus da tai

  • Scolaziun u furmaziun supplementara en informatica ubain experientscha da plirs onns en ina rolla cumparegliabla
  • Enconuschientschas praticas fundadas dals process ITIL sco er d'applitgar ils tools ITSM
  • Gronda orientaziun als basegns da la clientella, ina ferma conscienza per la qualitad sco er ina buna demananza da communitgar
  • Persuna cun atgna iniziativa ed ina buna perseveranza sco er cun ina moda da lavurar structurada ed orientada a soluziuns e cun abilitad da lavurar en in team 
  • Bunas enconuschientschas a bucca ed en scrit dal tudestg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'informatica
Rosenweg 4
7001 Cuira

Has ti dumondas? T'annunzia per plaschair tar Roman Aebli, manader dal Servetsch da clientella ICT, sut 081 257 30 95 u tar Heinz Patt, responsabel per il persunal sut 081 257 31 70.

Nus acceptain mo annunzias directas – dumondas da biros per l'intermediaziun da plazzas na resguardain nus betg.

Termin d'annunzia: 19 da mars 2026


Nus ans legrain da Vossa annunzia online e da far Vossa enconuschientscha.
S'annunziar online