Collavuratura champestra u collavuratur champester per la retschertga davart il guaud giuven

Uffizi da guaud e privels da la natira | 50 – 100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.

Ti procuras ch'il guaud grischun:
  • possia proteger ils umans, ils animals e l'infrastructura,
  • saja il spazi da viver da bleras differentas spezias d'animals e da plantas,
  • saja il furnitur da materia prima, sco lain, aua ed energia,
  • possia esser vinavant in spazi da recreaziun e da temp liber per ils umans.

Nus tschertgain per il 1. da matg 2026 (limità fin ils 31 d'october 2026) u tenor cunvegna ina collavuratura champestra u in collavuratur champester per la retschertga davart il guaud giuven (50–100 %).

Tes champ d'incumbensas

  • Far independentamain retschertgas davart l'influenza da la selvaschina sin il guaud giuven en il chantun Grischun

Sin quai pos ti ta legrar: 
  • Incumbensa signifitganta che ha in connex direct cun la natira e l'ambient
  • Lavurar en moda independenta en in team engaschà e colleghial
  • Libertad creativa e pussaivladads da svilup
  • Cundiziuns da lavur modernas en il center da Cuira

Quai giavischain nus da tai

  • Diplom da master en scienzas natiralas da l'ambient (major en management dal guaud e da la cuntrada) SPF, inschignera forestala u inschigner forestal SPF/SAS ubain selvicultura u selvicultur SSS
  • Bunas enconuschientschas da las spezias da bostgs 
  • Experientscha/enconuschientschas da basa en il sectur da la retschertga d'influenza da la selvaschina èn d'avantatg
  • Bun dun d'observar
  • Moda da lavurar fidada, independenta ed exacta
  • Plaschair da lavurar en il guaud 
  • La lingua da lavur generala è tudestg; bunas enconuschientschas da pliras linguas chantunalas èn d'avantatg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da guaud e privels da la natira
Ringstrasse 10
7001 Cuira

Per dumondas stat Viola Sala, manadra dal sectur Planisaziun dal guaud e reviers forestals, telefon +41 81 257 38 62, viola.sala@awn.gr.ch u Ines Scherrer, assistenta d'administraziun/responsabla per il persunal, telefon +41 81 258 38 77, ines.scherrer@awn.gr.ch gugent a tia disposiziun.

Termin d'annunzia: 22 da mars 2026


Nus ans legrain da tia annunzia online e d'emprender d'enconuscher tai.


S'annunziar online