Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Per immediat u tenor cunvegna tschertgain nus ina referendaria u in referendari tecnic per la cultivaziun dal guaud ed il spazi da viver guaud-selvaschina (60–100 %).
Tes champ d'incumbensas
- Cooperar a projects en il champ specific da la planisaziun forestala e da la cultivaziun dal guaud
- Elavurar basas specificas per la cultivaziun dal guaud
- Analisar ed interpretar las retschertgas currentas e periodicas en il guaud
- Elavurar ils projects dal spazi da viver guaud-selvaschina incl. rapport davart il guaud e davart la selvaschina e registraziuns dal guaud giuven
- Sviluppar e realisar novs concepts da guaud-selvaschina
- Collavurar stretgamain cun las regiuns forestalas da l'uffizi e cun auters posts
Quai giavischain nus da tai
- Diplom da scola auta spezialisada u da scola auta en scienzas natiralas, p.ex. inschignera u inschigner forestal u scienziada u scienzià da l'ambient u ina scolaziun equivalenta
- Experientscha u enconuschientschas fundamentalas en il sectur dal spazi da viver guaud-selvaschina èn d'avantatg
- Moda da pensar analitica e cumbinatorica
- Bunas enconuschientschas dal SIG e da la IT
- Persunalitad fidada, iniziativa ed orientada al team
- La lingua da lavur generala è tudestg; bunas enconuschientschas da pliras linguas chantunalas èn d'avantatg
Sin quai pos ti ta legrar
- Ina incumbensa signifitganta che ha in connex direct cun la natira e l'ambient
- Lavurar en moda independenta en in team engaschà e colleghial
- Libertad creativa e pussaivladads da svilup
- Cundiziuns da lavur modernas en il center da Cuira
Nus ans legrain da tia annunzia online e d'emprender d'enconuscher tai.