Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e dal chantun Glaruna sco er d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per il 1. da mars 2026 u tenor cunvegna tschertgain nus collavuraturas e collavuraturs da gastronomia / tegnairchasa a paja per ura.
Voss champ d'incumbensas
- Tgirar scolaras e scolars, giasts da seminaris sco er collavuraturas e collavuraturs en la sala da mangiar
- Gidar a realisar aperos
- Gidar a lavar giu
- Gidar a nettegiar chombras, biros e localitads generalas
Quai che nus giavischain da Vus
- Experientscha professiunala en la gastronomia u en l'hotellaria è d'avantatg
- Ferma orientaziun als basegns da la clientella ed als services
- Plaschair da lavurar en il team sco er ina moda da lavurar fidada ed independenta
- Gronda flexibilitad sco er abilitad da supportar squitsch er en situaziuns hecticas
- Demananza adretta e curtaschaivla
- La lingua da lavur generala è tudestg. Enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.