Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la furmaziun professiunala (UCFP) è in post da servetsch dal Departament d'educaziun, cultura e protecziun da l'ambient (DECA) e realisescha las incumbensas da la politica da furmaziun da la Confederaziun e dals chantuns concernent la furmaziun professiunala da basa. Plinavant è l'uffizi il post da cumpetenza en dumondas da la tscherna da professiun, da scola e da studi sco er l'instanza che accumpogna durant l'entira carriera professiunala.
Per il 1. da zercladur 2026 u tenor cunvegna tschertgain nus ina collavuratura u in collavuratur da stab per il Sustegn da la direcziun e projects
Voss champ d'incumbensas
- Manar e collavurar en differents projects sco puncts centrals da svilup, legislaziun ed auters
- Coordinar e manar l'elavuraziun da las finamiras annualas, suandà d'in controlling e reporting cun la participaziun da la direcziun;
- Elavurar, preparar e garantir la qualitad da decisiuns
- Procurar per la communicaziun, sco respunder dumondas da las medias, scriver salids uffizials e.u.v.
- Elavurar intervenziuns parlamentaras e consultaziuns
Quai che nus giavischain da Vus
- Furmaziun professiunala superiura, scola auta spezialisada u ina scolaziun equivalenta
- Bunas enconuschientschas dal sistem da furmaziun professiunala svizzer
- Enconuschientschas ed experientscha en il management da projects
- Chapientscha per las relaziuns ed ils svilups politics ed economics
- Abilitad da declerar connexs cumplexs en moda chapaivla per ils adressats
- Flexibilitad, abilitad da lavurar en in team, in pensar cumplessiv sco era in aut grad da lavurar en moda autonoma, d'atgna iniziativa e da conscienza da qualitad
- In stil segir en tudestg a bucca ed en scrit
- Enconuschientschas d'ina segunda (ed eventualmain er d'ina terza) lingua chantunala èn d'avantatg
Nus ans legrain da Vossa annunzia online e da far Vossa enconuschientscha.