Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la furmaziun professiunala (UCFP) è in post da servetsch dal Departament d'educaziun, cultura e protecziun da l'ambient (DECA) e realisescha las incumbensas da la politica da furmaziun da la Confederaziun e dals chantuns concernent la furmaziun professiunala da basa. Plinavant è l'uffizi il post da cumpetenza en dumondas da la tscherna da professiun, da scola e da studi sco er l'instanza che accumpogna durant l'entira carriera professiunala.
Per il 1. da zercladur 2026 u tenor cunvegna tschertgain nus ina responsabla u in responsabel ICT Gestiun e projects per la direcziun strategica, concepziunala ed operativa da la ICT en il rom da la transfurmaziun digitala da l'uffizi.
Voss champ d'incumbensas
- Elavurar la strategia per la ICT da l'uffizi cun il focus sin sviluppar vinavant il barat da datas electronic cun ils sistems circumdants
- Manar operativamain e coordinar il sectur da la ICT, incl. planisar e survegliar il preventiv, far las acquisiziuns sco er diriger prestaziuns e contracts
- Responsabla u responsabel per l'informatica e la segirezza da l'informatica tar l'uffizi
- Elavurar directivas, instrucziuns, concepts e.u.v. entaifer il sectur da cumpetenza
- Regular, manar sco er realisar ils projects dad ICT, incl. collavurar tar studis preliminars, elavurar las planisaziuns da projects, survegliar ils custs, ils termins e l'adempliment da las finamiras, sco er integrar las gruppas en mira
- Responsabla u responsabel per las applicaziuns dals servetschs da basa da l'uffizi
- Responsabla u responsabel per ils tests sco er per l'integraziun d'applicaziuns specificas
- Responsabla u responsabel per l'organisaziun dal support da l'emprim nivel, incl. coordinaziun cun il support dal segund e terz nivel
- Manar sco er substituir la persuna da support da la ICT e garantir il know-how necessari da la IT entaifer l'uffizi
Quai che nus giavischain da Vus
- Furmaziun professiunala superiura, scola auta spezialisada u scolaziun equivalenta en il sectur da la ICT e plirs onns experientscha professiunala
- Experientscha da manar projects dad ICT e da digitalisaziun, eventualas furmaziuns supplementaras, p.ex. CAS / MAS en management da projects, IPMA u HERMES, èn d'avantatg
- In bun dun receptiv, chapientscha per process e per connexs, fermezzas organisatoricas ed ina moda da lavurar structurada
- Abilitads da schliar problems ed in pensar cumplessiv analitic
- Flexibilitad, abilitad da lavurar en in team sco er in aut grad da lavurar en moda autonoma, d'atgna iniziativa e da conscienza per la qualitad
- In interess general per la furmaziun professiunala
- Experientscha da manar persunas
- Bunas enconuschientschas a bucca ed en scrit dal tudestg
- Enconuschientschas d'ina segunda lingua chantunala (eventualmain er da tuttas trais) èn bainvegnidas.
Nus ans legrain da Vossa annunzia online e da far Vossa enconuschientscha.