Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Nus tschertgain per il 1. da zercladur 2026 u tenor cunvegna ina persuna spezialisada per il servetsch da scleriment da la APUC Grischun, filiala Grischun dal Nord.
Voss champ d'incumbensas
- Cun gronda independenza ed autonomia e cun il sustegn d'in team che ha blera savida specifica, èsi da far analisas dals cas e d'inoltrar propostas correspundentas a l'autoritad
- Entrar en contact e manar discurs cun persunas directamain pertutgadas e confamigliars, savens directamain en lur spazi da viver
- Adattar situativamain ils singuls pass dal scleriment, resguardond las basas giuridicas ed en cunvegnientscha cun la direcziun da la procedura
- Dumandar las infurmaziuns relevantas tar las persunas spezialisadas, las instituziuns ed ils uffizis involvids
- Sclerir purschidas da sustegn subsidiaras e cumplementaras
- Far intervenziuns adattadas en cas da crisa
Quai che nus giavischain da Vus
- Diplom en Lavur sociala BSc/SAS/SSS u ina scolaziun equivalenta
- Experientscha en ils secturs spezials da la protecziun d'uffants e da creschids u la prontezza da sa perfecziunar correspundentamain
- Fitg bunas cumpetenzas communicativas e cumpetenzas socialas cun in grond repertori metodologic
- Empatia envers persunas en situaziuns da vita difficilas
- Abilitads analiticas per structurar e per definir situaziuns socialas cumplexas e per iniziar las intervenziuns necessarias
- Enconuschientschas da KLIB èn giavischadas
- Fidadadad, abilitad da supportar squitsch ed in grond senn da responsabladad
- Ina persunalitad cun in pensar independent e cumplessiv
- Flexibilitad cun ina ferma orientaziun als servetschs ed abilitad da lavurar en in team en il context interdisciplinar
Nus ans legrain da Vossa annunzia online e da far Vossa enconuschientscha.